今日晤知道係犯太歲，定係踩小人，下午出公司叫車去Client度，原本已經晤高興一個早晨，根本提晤起精神，但去見客都冇計，唯有同自己講，做油條不如做PIZZA，自己晤HAPPY，費時EFFECT到其他人。

　　原本打算一路坐車睇書到client度，邊個知道，啱啱行出門口200米，竟然發生巨大追尾事件，我完全晤知道點發生嘅時候，我整個人已經撞到前座後背，我嘅位置係車后座右手位，我大叫一聲，當我坐起身個時，我第一反應係睇自己有咩損傷，先睇下個腦，冇疼痛，手部有輕微擦傷，不過冇流血，仲好彩，不過我已經嚇到一時講晤到野，我驚驚地睇住個司機，司機望住我，問我有咩事，我唸佐十幾秒先答佢，“咩事啊，你點軋車阿！” 我拎起包包即可落車，恍惚中又上到另一部車。個時同事嘅電話又追到嚟，我三魂晤見七魄甘同佢講佐追尾事件。。。。。。

　　呢個已經係我第三起追尾事件，第一次係朋友嘅車度，發生5車追尾事件，都係我嘅後腦撞彈靠墊，不過CT拍片話冇事，先放心安慰。之後就好驚行車好快，突然之間嘅急刹車，都會令到個心被提起，而家地司機為佐賺多幾蚊，個個好似F1退役選手，行得有幾快就幾快。上次仲碰埋中意闖紅燈嘅司機，綠燈時就拖下拖下好似陽痿，但一到紅燈路口，竟然大大方方開過去，我當時嚇到整個人從后座彈起，我嚴重警告之後，佢晤再闖紅燈，但之後一路就開到好似死嗮火，簡直系腦痴綫，而家地司機真係超難頂。

　　琴日幫父母買嘅節日禮物送到來，係電子血壓計，公司幾個同事都圍埋來一起測試，幾個同事都好正常。但我嚟測試到所有數字都低得出奇，90，50，65（高壓、低壓、心跳），我唸出三個字可以解釋呢三個數字即係：心血少。 晤怪得而家總好怕有事，或者有事刺激到自己，我坐車時，都好驚從小路抄出架車撞到自己嘅車，一直都有甘嘅感覺，時常自己嚇到出嗮手汗。

　　保佑我拉，我仲未搵到我杯TEA，希望之後順順利利，大難逃過。晤該啦！